[KOREA] 睇《歌謠大戰》感受時代變遷!歷年邊個經典年末舞台你最想睇多次?

嚟到年尾韓國各大電視台都會搞超大型嘅年未舞台,集合大班歌手唱盡今年最Hit嘅歌,仲有唔同嘅特別表演,例如翻唱舊歌、交換舞台、跨團合作等等,令Fans每年都好期待㗎!追咗咁多年K-POP,唔知你又最想睇多次邊年嘅show呢?

2009 SBS《歌謠大戰》
男女交換Stage

雖然依加有時都有男女交換Stage睇,但唔知點解硬係覺得以前嘅好睇啲,可能係因為以前嘅裝扮同神韻會去得盡啲?神童同希澈真係好正🤣(btw依加BTOB都有前輩嘅功力嘅)

2012 SBS《歌謠大戰》
The Color of K-pop

呢年可以話係經典中嘅紅典啊!10團當紅idol混合組成四個企劃組合,仲有專屬作曲家幫佢地寫新歌,絕對唔係合作表演舊歌咁簡單啊!!當年話題性極高,仲有唔少Fans希望佢哋會有後續合作,可惜嘅係呢幾團好多都已經解散、退團、轉型,睇返呢四個舞台真係不禁流下時代嘅眼涙啊〜

2012 MBC《歌謠大祭典》
SHINee X f(x) 英文歌Medley

大家可能會覺得,唱下英文歌姐,有乜咁特別?呢場經典係在於泰民錫咗Krystal一啖啊!!!當年Krystal同泰民嘅情侶說喺Fans之間好受歡迎,覺得佢哋好襯,然後喺年尾睇到呢個「世紀一吻」,當然超哄動啊😍

2016 KBS 《歌謠盛典》
Girl's Present

四大女團成31個成員一齊表演前輩少女時代嘅出道曲《Into the New World》,唔止唱得好聽,就算嚟自唔同團都可以跳到整齊劃一嘅刀群舞,唔知點解會睇到有暖在心頭嘅感覺。

2016 SBS《歌謠大戰》
各團領舞Opening Dance

型到爆!前年SBS就集合咗男女團嘅主領舞,排咗隻超有型又夠Power嘅Opening Dance,如果有機會有多啲主領舞一齊跳到全場High爆就好啦!

2017 MBC《歌謠大祭典》
MAMAMOO男團歌曲Medley

MAMAMOO聲靚應該冇人質疑,佢哋版本嘅男團Cover多咗份女生嘅柔美但又依然有十足霸氣,拿捏得啱啱好唔係咁多人做得到㗎!

All Photos from Internet